Huawei Y7 2019: todo sobre o novo móbil de Huawei

Huawei continúa coa renovación do seu portfolio de dispositivos anunciando un novo trebello que se suma á serie Y, a gama entrada do fabricante chinés. Falamos do Huawei Y7 2019, un teléfono sinxelo pero que recolle algunhas das características que cada vez son máis demandadas polas usuarias.

O novo Y7 2019 integra unha pantalla HD+ de 6,26 polgadas (1520 x 720 píxeles), e no seu interior alberga o procesador Qualcomm Snapdragon 450, xunto con 3 GB de RAM e 32 GB de memoria interna ampliábeis por microSD.

En canto ás cámaras, a principal está formada por un sensor dobre, froito da combinación dun de 13 e outro de 2 megapíxeles, mentres que na parte frontal temos un sensor de 8 megapíxeles.

A súa batería é de 4000 mAh de capacidade, dispón de lector de pegadas dixitais (situado na parte traseira do dispositivo) e leva Android 8.1 Oreo, aderezado coa personalización habitual de Huawei, a capa EMUI, na súa versión 8.2.

Dispoñibilidade e prezo

Polo de agora Huawei non confirmou nin a súa dispoñibilidade nin o seu prezo, aínda que si que precisou que chegará en 3 cores: azul (Aurora Blue), vermello (Coral Red) e negro (Midnight Black).

Sobre o autor

Reply