As usuarias de teléfonos Samsung compatíbeis con Samsung Pay e das tarxetas PASS de Carrefour están de noraboa, pois ambas compañías selaron un acordo que permite pagar con elas a través de Samsung Pay.
Samsung Pay, que xa conta con máis de 2 millóns de usuarias activas, incorpora así unha nova tarxeta para poder pagar en calquera establecemento que dispoña dun terminal TPV compatíbel cos pagos sen contacto, que son a práctica totalidade.
Segundo as cifras que ofrece Samsung, o 50% das usuarias que teñen un teléfono da compañía son usuarias deste servizo, e case un 70% dos mesmos renova o seu compromiso coa compañía en boa medida para poder seguir usando o servizo de pagos móbiles.
