A operadora Vodafone anunciou a semana pasada que a súa clientela que teña contratado servizo só móbil vai poder beneficiarse tamén da súa oferta de televisión, Vodafone TV, a partir do 9 de marzo. Poderán facelo, ademais, tanto nos seus smartphones como en Smart TVs e outros dispositivos móbiles, o que amplía as posibilidades, especialmente para as usuarias con tarifas de datos ilimitadas.
A través da aplicación Vodafone TV, as clientes da compañía poderán acceder aso diferentes paquetes de televisión, que oscilan entre os 5 €/mes e os 20 €/mes, aínda que tamén existe un plan básico universal incluído de maneira gratuíta, no que están as canles xeralistas.
Os diferentes paquetes de televisión que se poden contratar son os seguintes:
- Seriefans: 10 €/mes.
- Serielovers: 20 €/mes.
- Cinefans: 12 €/mes.
- Documentales: 8 €/mes.
- Peques: 5 €/mes.
- Música: 10 €/mes.
- Deportes: 5 €/mes.
- Caza: 7 €/mes.
A configuración do servizo é moi sinxela, xa que se pode activar de maneira instantánea cun correo electrónico desde a propia aplicación, e con ese nome de usuario (o correo) e un contrasinal xa se pode acceder á aplicación en SmartTVs varias, aínda que a propia aplicación é compatíbel con Chromecast.
