Nun IFA descafeinado e marcado pola COVID-10, o fabricante TCL vén de anunciar dúas novas tablets, as TCL 10 TAB MAX e TCL 10 TAB MID, dispositivos que destacan por incluír pantallas con tecnoloxía NXTPAPER, deseñadas para reducir a fatiga visual.
Especificacións
Na seguinte táboa pódense ver as súas especificacións técnicas:
| TCL 10 TAB MAX | TCL 10 TAB MID | |
|---|---|---|
| Dimensións e peso | 247.8 x 157.56 x 7.65mm | 209.4 x 125.2 x 8.55mm 325 g |
| Pantalla | 10.36” Full HD IPS NXTPAPER | 8″ FHD IPS LCD |
| Procesador | Octa-Core 2.0 GHz | Qualcomm Snapdragon 665 |
| Almacenaxe interna | 64 GB ampliábeis mediante tarxetas microSD | 64 GB ampliábeis mediante tarxetas microSD |
| Memoria RAM | 4 GB | 4 GB |
| Batería | 8.000mAh 18W | 5.500mAh 18W |
| Cámara dianteira | 8 MP | 5 MP |
| Cámara traseira | 13 MP | 8 MP |
| Versión Android | Android 10 | Android 10 |
| Prezo | Desde 249 euros | 229 euros |
Como dicíamos ao comezo do artigo, TCL puxo especial interese en ofrecer unha tecnoloxía destinada a reducir a fatiga visual. Segundo apuntan, estas pantallas teñen un 25% máis de contraste que unha pantalla de tinta electrónica (as habituais nos ebooks), e un 65% que unha panel LCD estándar.
O modelo MID é máis sinxelo, tanto pola súa pantalla de menor tamaño (8 polgadas fronte as 10 do modelo MAX), como tamén pola ausencia da citada tecnoloxía.
Dispoñibilidade e prezo
Ambas tablets resultan bastante económicas, e estarán dispoñíbeis durante o último trimestre de 2020 en Europa.
A TCL 10 TAB MAX poderase adquirir con tecnoloxía WiFi por 249 euros, ou en versión 4G por 299 euros, mentres que a TCL 10 TAB MID terá unha única versión WiFi de 229 euros.
