Liches ben. O fabricante surcoreano LG vén de anunciar que pon á venda no noso país o primeiro televisor enrolábel do mundo, o LG Signature OLED R, un peculiar dispositivo que a clientela interesada pode reservar a partir desta mesma semana, iso si, a un prezo de venda ao público de 99.999 €.
O novo televisor de LG conta cun panel OLED flexíbel de 65 polgadas, creado a partir dunha única lámina de vidro, e conta con píxeles autoiluminados e un control de atenuación independente para ofrecer calidade de imaxe cun alto grao de profundidade e realidade. O fabricante presume ademais de que este panel está certificado pola Societé Generale de Surveillance (SGS), con sede en Suíza, pro producir menos contaminantes atomosféricos, reducir o uso de sustancias perigosas e ser máis doado de reciclar.
Ademais, o logo panel OLED de LG é dos primeiros en contar con certificación Eyesafe, ao cumprir o requirimento de baixa emisión de luz azul. Suma tamén certificacións TÜV THeinland e Underwriters Laboratories.
Porén, o que sorprende deste modelo é que a diferenza de outros aparellos que ocupan espazo visual mesmo estando apagados, o LG Signature OLED R é único polo seu panel que pode desaparecer cando non se utiliza, logrando unha armonía espacial no fogar. LG distingue tres modos de uso: Full View, Line View e Zero View, que se correspondente co televisor completamente despregado, a medias ou totalmente oculto, como podemos ver nas seguintes imaxes.
As persoas que estean interesadas en facerse cun destes modelos deberán, ademais de abonar os 99.999 €, agardar pola súa produción, xa que cada un destes modelos prodúcese por encargo e se termina cunha atención artesanal polos ao detalle polos profesionais máis calificados de produción que LG ten en Corea do Sur. O tempo de espera aproximado é de catro meses.
