[Actualización 25/03] Paralizado o bloqueo até coñecer o impacto da medida. Segundo apunta Europa Press, o xuíz da Audiencia Nacional Santiago Pedraz tería paralizado o bloqueo a Telegram, a esperas dun informe da Comisaría Xeral de Información que analice -entre outras cousas- o impacto que tería dita medida para as usuarias. A medida inicial, de ordear o bloqueo a Telegram foi considerada desproporcionada tanto polas usuarias como por diversas fontes do ámbito xudicial.
A Audiencia Nacional vén de ordear o bloqueo a aplicación de mensaxería instantánea Telegram de xeito cautelar, logo da denuncia interposta por Mediaset España, Antena 3, Movistar Plus e a entidade de xestión de dereitos de autor EGEDA. Estas cato entidades acusan á aplicación de servir como plataforma de aloxamento e distribución de contidos con dereitos de autor.
A decisión foi tomada polo xuíz Santiago Pedraz. Logo de non ter resposta por parte dos responsábeis de Telegram, deu orde ás operadoras para executar o bloqueo á app, de maneira que deixará de funcionar en calquera momento das próximas horas, deixando sen servizo ás máis de 8,5 millóns de usuarias que ten no conxunto do Estado.
A duración do bloqueo dependerá do que tarden desde Telegram en dar resposta aos requirimentos da Audiencia Nacional.
