Vodafone vén de lanzar unha nova tarifa, “yu Móvil Inicial”, destinada a comercializarse exclusivamente a través da súa páxina web. Trátase dun produto que non ten permanencia e que ten un prezo fixo de 15 €/mes.
Este novo plan ofrece chamadas e SMS ilimitados a calquera destino nacional, así como tamén 30 GB de datos con velocidade 5G con roaming incluído no Reino Unido e Estados Unidos, ademais de nos países que forman parte da Unión Europea.
“yu Móvil Inicial” é compatíbel con outros servizos adicionais de Vodafone, como os paquetes de Vodafone TV. Coa súa chegada, o portfolio completo de tarifas yu queda como segue:
- yu Móvil Inicial (15 €/mes): liña móbil con chamadas e SMS ilimitados, 30 GB de datos 5G e roaming UE, Reino Unido e Estados Unidos.
- yu Móvil (17 €/mes): liña móbil con chamadas e SMS ilimitados, 50 GB de datos 5G e roaming UE, Reino Unido e Estados Unidos.
- yu Fibra (27 €/mes): fibra óptica de 300 Mbps, con teléfono fixo con chamadas ilimitadas a fixos e móbiles.
- yu Móvil + Fibra (50 €/mes): liña móbil con chamadas e SMS ilimitados, 50 GB de datos 5G e roaming UE, Reino Unido e Estados Unidos; 300 Mbps de fibra, con teléfono fixo con chamadas ilimitadas a fixos e móbiles e Vodafone TV con máis de 70 canles e subscrición a HBO Max ou Disney+.
