OnePlus vén de informar de que xa está á venda no noso país o OnePlus Nord CE Lite 5G. Trátase dun dos últimos lanzamentos do fabricante, un dispositivo de gama media que destaca por ofrecer bo rendemento na súa gama de prezos.
Para conseguir destacar neste aspecto, OnePlus apostou por introducir un procesador Qualcomm Snapragon 695 5G. Vén con 256 GB de memoria interna e 8 GB de RAM, incluíndo a tecnoloxía RAM Vitalization. Esta permite manter en funcionamento até 26 aplicacións en segundo plano e, ao tempo, proprociona transición fluídas ao cambiar entre diferentes apps.
A pantalla do OnePlus Nord CE Lite 5G é un panel AMOLED de 6,67 polgadas. Vén con taxa de refresco de 120 Hz e conta cun brillo máximo de 2.100 nits. Así mesmo, tamén aposta por Aqua Touch, que mellora a precisión e exactitude táctil para que as usuarias poidan desprazarse e manexar o seu teléfono mesmo cando a pantalla está mollada.
A súa batería é de 5.110 mAh, que segundo o fabricante permite 2 días de autonomía cunha única carga. O OnePlus Nord CE Lite 5G conta ademais con Battery Health Engine. Esta tecnoloxía axuda a preservar a lonxevidade da batería e a previr o seu envellecemento prematuro, optimizando as velocidades de carga de acordo cos hábitos das usuarias. Para iso fai uso da Intelixencia Artificial (IA).
Por último, respecto á cámara, vén cun sensor principal LYTIA 600 de 50 MP con OIS. Conta ademais cunha cámara de 2 MP de axuda á profundidade e unha cámara frontal de 16 MP.
Dispoñibilidade e prezo
O novo OnePlus Nord CE 4 Lite 5G xa se pode mercar por 329 €. Comercialízase en dúas cores, azul (Mega Blue), e prateado (Mega Silver). Como oferta de lanzamento, as persoas que adquiran o novo OnePlus Nord CE 4 Lite 5G antes do 2 recibirán un desconto de 50 €.
