Quizais por fuxir das filtracións, quizais por incrementar o hype, OnePlus xa avanzara o deseño e cuestións relevantes dus seus novos auriculares. Porén, non foi até onte que os OnePlus Buds Pro 3 fixeron a súa posta de longo co lanzamento oficial.
Os OnePlus Buds Pro 3 chegan para incorporarase á familia de dispositivos de audio da compañía, destacando por ofrecer unha experiencia de son sen precedentes na marca. Isto é posíbel grazas á colaboración coa prestixiosa empresa danesa Dynaudio, un referente mundial en tecnoloxía de son.
Son de alta fidelidade, tecnoloxía Dual Driver e Dual DAC
Os OnePlus Buds Pro 3 están deseñados para aquelas persoas que buscan unha experiencia de audio excepcional. Contan con tecnoloxía Dual Driver mellorada e, por primeira vez, incorporan dous conversores dixital-analóxico (DACs) en cada auricular. Esta combinación permite unha fidelidade sonora sen precedentes, capturando tanto as frecuencias máis graves como os matices máis delicados das frecuencias altas.
Os drivers de 11 mm e 6 mm veñen equipados con imáns dobres e membranas avanzadas, conseguindo unha potencia sonora impresionante e unha calidade de son cristalina. Grazas á integración dos Dual DACs, cada frecuencia é tratada de forma independente, garantindo un rendemento óptimo sen interferencias.
Cancelación de ruído adaptativa e carga rápida
Por outra banda, os OnePlus Buds Pro 3 levan a cancelación de ruído a un novo nivel con até 50 dB de cancelación de ruído adaptativa (ANC). Esta tecnoloxía axústase automaticamente ao entorno, ofrecendo unha experiencia auditiva sen distracións, ao tempo que optimiza a eficiencia da batería. Deste xeito, non só se prolonga a duración da batería, senón que tamén se garante unha comodidade superior, xa que o nivel de ANC axústase en función das necesidades reais.
Así mesmo, outra das características máis destacadas dos OnePlus Buds Pro 3 é a súa autonomía. Cunha soa carga completa, os auriculares poden ofrecer até 43 horas de reprodución, sumando a carga do estoxo. Ademais, a tecnoloxía de carga rápida permite que cunha carga de tan só 10 minutos poidamos desfrutar de máis de 5 horas de música.
Dispoñibilidade e prezo dos OnePlus Buds Pro 3
Os OnePlus Buds Pro 3 están dispoñíbeis en dúas cores, Midnight Opus e Lunar Radiance. Cada un deles cun acabado bicolor e unha funda ergonómica de aspecto premium. A caixa de carga tamén foi redeseñada para complementar o estilo sofisticado que OnePlus quixo darlle aos seus novos auriculares.
Pódense adquirir a través da páxina oficial de OnePlus, cun prezo oficial de 199 €. Ademais, até o 20 de setembro, OnePlus ofrece varias ofertas especiais:
- Desconto de 20 €, co que quedan en 179 €.
- Regalo de outro par de auriculares OnePlus Nord Buds 2, valorados en 69 € (até fin de existencias).
Así mesmo, se se mercan xunto con outros dispositivos da marca, podémonos beneficiar de diversos descontos:
- 10% de desconto na tablet OnePlus Pad 2.
- 20% de desconto no OnePlus Watch 2R, OnePlus Watch 2 e OnePlus Nord Buds 3 Pro.
Máis info | OnePlus
