realme está a celebrar nestes días seu 6º aniversario. E para ilo, vén de poñer en marcha o festival “realme Cool Tech Fest“. Un evento que comeza hoxe e que se estenderá até o próximo 28 de agosto, ofrecendo ás consumidoras a oportunidade de aproveitar descontos de ata 210 euros en varios dos seus produtos máis populares.
Ofertas en diferentes canles para celebrar o éxito europeo
Nos últimos anos, realme acadou un éxito significativo no mercado europeo. No segundo trimestre de 2024, a marca situouse entre as catro primeiras en Italia cun crecemento anual do 112%.No Estado español, consolidouse entre as cinco marcas máis vendidas, cun crecemento do 76%.
As ofertas destes días, dispoñíbeis a través de Amazon, permiten adquirir produtos como o realme GT 6 con 120 € de desconto, incluíndo ademais un cargador de 120W valorado en 29,99 €. Noutros modelos, malia non ser tan abultados, os descontos tamén son realmente significativos. Todos eles recóllense no seguinte cadro.
| Producto | Versión | Prezo de lanzamento | Ofertas Fest | Agasallo | Canle |
| realme GT 6 | 12 GB+256 GB | €699.99 | €579.99 | SUPERVOOC Charge 120W 29,99 | Amazon |
| realme GT 6T | 8 GB+256 GB | €549.99 | €379.99 | ||
| realme GT 6T | 12 GB+256 GB | €599.99 | €409.99 | ||
| realme 12 Pro+ | 8 GB+256 GB | €499.99 | €359.99 | / | |
| realme 12 Pro | 8 GB+256 GB | €399.99 | €279.99 | ||
| realme 12+ 5G | 8 GB+256 GB | €359.99 | €259.99 | ||
| realme 12 4G | 8 GB+256 GB | €249.99 | €189.99 | ||
| realme 12X 5G | 6 GB+128 GB | €199.99 | €159.99 | ||
| realme C67 | 6 GB+128 GB | €219.99 | €139.99 |
Carga de 320W
Coincidindo con este sexo aniversario, realme tamén presentou a súa nova tecnoloxía de carga SuperSonic de 320W, que permite cargar un smartphone completamente en só 4 minutos e 30 segundos.
Esta tecnoloxía, que sucede á carga rápida de 240W introducida no realme GT3 en 2023, establece un novo estándar en termos de potencia, seguridade e eficiencia, revolucionando a experiencia de usuario. Porén, semella que aínda teremos que esperar uns meses para vela nun dispositivo comercial.
