Había tempo que Pepephone non facía cambios relevantes nas súas tarifas. Malia que o sector telco experimentou neste 2024 unha revolución tarifaria, o Grupo MASORANGE mantivo fóra desta loita a Pepephone. Agora, aproveitando o inicio do curso e o 60º aniversario de Mary Poppins, a icónica compañía recibe novidades que afectan a case todos os plans que oferta.
Novos plans con máis datos de Pepephone
En total son sete as tarifas de Pepephone que actualizan a súa franquía de datos, tres de móbil e catro converxentes. Tras os cambios, quedan tal que así:
- Móbil con ilimitadas + 15 GB por 7,90 €/mes. (antes 9 GB).
- Móbil con ilimitadas + 49 GB por 14,90 €/mes (antes 39 GB).
- Móbil con ilimitadas + 149 GB por 19,90 €/mes (antes 99 GB).
- Fibra 500 Mbps + móbil con ilimitadas + 49 GB por 38,80 €/mes (antes 39 GB).
- Fibra 800 Mbps + móbil con ilimitadas + 149 GB por 48,90 €/mes (antes 99 GB).
- Fibra 500 Mbps + móbil con ilimitadas + 59 GB + unha plataforma de streaming (a escoller Netflix, Prime Video ou Max) por 53,90 €/mes (antes 49 GB).
- Fibra 800 Mbps + móbil con ilimitadas + 199 GB + unha plataforma de streaming (a escoller Netflix, Prime Video ou Max) por 61,90 €/mes (antes 109 GB).
Cabe lembrar que Pepephone ofrece acceso ás redes 5G nas súas tarifas móbiles, e que os datos non empregados acumúlanse para o mes seguinte.
Como se aplica o cambio de tarifa
As usuarias que queiran portar a súa liña a Pepephone poden contratar directamente as tarifas coas novas condicións a través de todas as canles habilitadas. Isto inclúe tanto a páxina web como as tendas e a rede de distribuidores que a compañía ten en numerosas vilas e centros comerciais.
Por outro lado, as usuarias actuais da compañía non teñen que facer nada. É máis, a compañía asegura que estes cambios teñen efecto retroactivo, e que se aplicarán desde o 1 de setembro. Por iso, a próxima factura xa reflexará estas novas condicións.
