A nova tablet TCL NXTPAPER 14 xa está dispoñíbel no noso país, como unha das mellores opcións para os amantes da lectura que queren ir un paso máis aló do que ofrecen libros electrónicos tradicionais. Equipada coa innovadora tecnoloxía NXTPAPER 3.0, esta tablet redefine a experiencia de visualización ao ofrecer unha pantalla similar ao papel, garantindo comodidade visual sen comprometer o rendemento.
O elemento máis significativo da nova TCL NXTPAPER 14 é a súa pantalla de 14,3 polgadas e resolución 2.4K, impulsada pola tecnoloxía NXTPAPER 3.0. Esta tecnoloxía emprega un sistema multicapa para reducir a emisión de luz azul nociva, protexendo os ollos das usuarioa. Ademais, o seu acabado antirreflexo asegura unha visualización cómoda incluso en condicións de moita luz, o que fai que sexa axeitada tanto para interiores como exteriores.
Tres modos de visualización personalizábeis
Unha das novidades da NXTPAPER 14 é a súa tecla dedicada NXTPAPER Key, que permite cambiar entre tres modos de visualización segundo a tarefa:
- Modo tinta electrónica: Ideal para a lectura prolongada de libros ou documentos, cunha experiencia similar á tinta tradicional.
- Modo cor: Optimizado para contidos gráficos e visuais, mantendo sempre a comodidade ocular.
- Modo estándar: Perfecto para ver películas ou contidos audiovisuais, coa vantaxe da protección ocular integrada.
Tamén inclúe un Asistente de Coidado Ocular, que convida ás usuarias a descansar e limitar o tempo de uso prolongado para evitar a fatiga visual. Ademais, a pantalla adáptase automaticamente á luz ambiental e ao ritmo circadiano, mellorando a saúde visual e minimizando o parpadeo grazas á tecnoloxía DC dimming, perfecta para longas xornadas de uso.
Especificacións da TCL NXTPAPER 14
Esta tablet está equipada co procesador MediaTek Helio G99, deseñado para unha multitarefa eficiente. Conta con 8 GB de RAM -ampliábeis a 16 GB mediante memoria virtual– e 256 GB de almacenaxe interna. A súa batería de 10.000 mAh con carga de 33 W, que ademais, pode funcionar como power bank para cargar outros dispositivos, grazas á súa función de carga inversa.
Dispoñibilidade e prezo da TCL NXTPAPER 14
A TCL NXTPAPER 14 está dispoñíbel no noso país a partir de 399 €.
