O operador galego R vén de anunciar o lanzamento dunha nova oferta de luz e gas 100 % verde e de orixe galega, vinculada a descontos permanentes na factura de telecomunicacións. Esta proposta únese ao ecosistema integral de servizos para o fogar que R ofrece á súa clientela, na liña da diversificación de servizos pola que aposta o Grupo MASORANGE.
As usuarias que contraten as subministracións de luz e gas con R beneficiaranse dunha rebaixa fixa de até 9 €/mes (6 € pola luz e 3 € polo gas) na súa factura de telecomunicacións (fixo, móbil, Internet e TV). Este desconto, que supón 108 €/ano, que ademais será acumulábel por cada punto de subministración. Por exemplo, aquelas persoas que contraten o servizo para unha segunda residencia poderán aforrar até 216 €/ano. Ademais, o contrato non inclúe permanencia, garantindo flexibilidade total no servizo.
Prezo único e control do gasto
A tarifa de luz e gas de R ofrece un prezo único as 24 horas, evitando sorpresas desagradábeis na factura e facilitando o consumo en calquera momento do día. A través dunha app específica, as usuarias poderán:
- Consultar o gasto estimado con antelación.
- Recibir recomendacións personalizadas sobre a potencia contratada.
- Seguir consellos adaptados ás necesidades de cada fogar.
Con estas ferramentas, estímase que o 60 % das usuarias poderá aforrar unha media de 60 €/ano, mellorando a eficiencia enerxética.
Compromiso co medio ambiente
R certifica que a enerxía ofrecida é de orixe local e renovábel, e para compensar as emisións do servizo de gas, comprométese a realizar plantacións de árbores. Esta iniciativa contribúe á sustentabilidade e á transformación do sector enerxético nun modelo máis xusto e natural, reafirmando o compromiso de R coa sociedade galega.
Dispoñibilidade do novo servizo de lus e gas de R
O servizo de enerxía xa está dispoñíbel en todas as canles de R (tendas, web e atención telefónica) e pódese contratar en só 5 minutos, sen papelame nin visitas de persoal técnico. A mudanza faise efectiva entre 3 e 5 días sen interrupción na subministración.
Para máis información e contratación, pódese visitar a web luzegasR.gal
