Nothing Phone (3a): o novo móbil de Nothing chegaría o 4 de marzo con novidades clave

A espera está a piques de rematar para as seguidoras de Nothing. A firma creada por Carl Pei, que se fixo un oco no mercado grazas ao seu atrevido deseño e á súa aposta por unha experiencia visual e de usuario diferenciada, confirmou un evento de presentación para o vindeiro 4 de marzo. As especulacións apuntaban a que sería o momento de coñecer o esperado Nothing Phone (3), pero os últimos rumores e filtracións suxiren que, en realidade, o protagonista será o Nothing Phone (3a).

Un modelo que apunta alto: primeiras especificacións

Segundo as informacións filtradas, o Nothing Phone (3a) traerá melloras significativas con respecto ao seu predecesor, apostando por unha ficha técnica moi competitiva dentro da gama media-alta:

  • Pantalla: Panel AMOLED de 6,8 polgadas con resolución FHD+ e 120 Hz de taxa de refresco, garantindo unha experiencia fluída e de alta calidade.
  • Procesador: Equipado co Snapdragon 7s Gen 3, un chip eficiente que ofrecerá bo rendemento en tarefas esixentes.
  • Memoria e almacenamento: Opcións de ata 16 GB de RAM e 1 TB de almacenamento, un salto considerable para os usuarios máis esixentes.
  • Cámaras:
    • Sensor principal de 50 MP con estabilización óptica de imaxe (OIS).
    • Ultra gran angular de 8 MP.
    • Telefoto de 50 MP con zoom óptico 2x.
    • Cámara frontal de 32 MP para selfies de alta calidade.
  • Batería: 5.000 mAh con carga rápida de 45W, asegurando unha boa autonomía e tempos de carga reducidos.
  • Sistema operativo: Nothing OS 3.1 baseado en Android 15, coas melloras habituais en fluidez e optimización.
  • Deseño: Como non podía ser doutro xeito, incluirá os icónicos Glyphs, esas luces LED traseiras que Nothing converteu no seu sinal de identidade.

Un salto cualitativo e posíbel suba de prezo

A chegada dunha cámara telefoto con zoom óptico 2x e a inclusión de especificacións premium en memoria e procesador poderían implicar un lixeiro aumento de prezo respecto ao Nothing Phone (2a). Os rumores apuntan a que o prezo podería achegarse aos 600 euros, o que situaría este modelo nunha gama media-alta moi competitiva.

Ademais do Phone (3a), Nothing deixou entrever que a presentación do 4 de marzo no Mobile World Congress (MWC) de Barcelona será especialmente relevante. O propio Carl Pei falou dun lanzamento histórico, o que podería suxerir algunha sorpresa adicional, ou a chegada dun modelo máis asequíbel.

Sobre o autor

Reply