Tras unha boa tempada sen grandes movementos, MásMóvil volve á carga con novas tarifas incrementan a franquía de datos móbiles sen subir de prezo. A compañía, unha das marcas do Grupo MASORANGE, aposta por unha mellora que busca competir directamente con operadores como O2, Jazztel, Lowi ou Simyo.
Fibra e móbil con máis datos
Nos últimos meses, MásMóvil xa viña reforzando as súas tarifas con promocións temporais para a nova clientela. Pero agora o aumento de datos faise definitivo e afecta a todas as súas opcións de fibra e móbil. A compañía triplica os datos da súa tarifa máis económica, igualando así ás ofertas máis competitivas do mercado con 300 Mbps e 30 GB por arredor de 30 euros ao mes.
As novas condicións sitúan a MásMóvil como unha alternativa moi atractiva para aquelas persoas que buscan unha combinación equilibrada entre prezo, servizo e cobertura. Ademais, a fibra mantén unha velocidade de 300 ou 500 Mbps, con opcións de ata 1 Gbps por 10 euros máis ao mes.
| Móbil | Fibra 500 Mbps | Fibra 1.000 Mbps (1 Gbps) |
|---|---|---|
| 30 GB | 29,90 €/mes *Neste plan a fibra é de 300 Mbps | 39,90 €/mes |
| 50 GB | 34,90 €/mes | 44,90 €/mes |
| 100 GB | 39,90 €/mes | 49,90 €/mes |
| 200 GB | 46,90 €/mes | 56,90 €/mes |
Servizos adicionais: TV e liñas móbiles adicionais
MásMóvil tamén reforza a súa oferta con servizos de televisión e liñas móbiles adicionais:
- Televisión: 40 canles premium por 6 €/mes, e un paquete de deportes con fútbol de Segunda División por outros 6 €/mes.
- Liñas móbiles adicionais: desde 3 €/mes para chamadas ilimitadas e datos compartidos. Tamén se poden contratar liñas adicionais con 25, 45 ou 100 GB e chamadas por 5, 10 ou 12 €/mes, respectivamente.
Con esta renovación, MásMóvil quere volver situarse como unha opción competitiva no mercado medium-cost, apostando por máis datos sen subas de prezo e mantendo unha estrutura de tarifas clara e accesíbel.
