A familia Honor GT segue medrando, e tras o anuncio do modelo estándar, agora o Honor GT Pro entra en escena con especificacións filtradas que prometen converter este terminal nun dos máis atractivos do mercado. Segundo os últimos rumores que chegan desde China, este dispositivo apostará pola potencia, unha autonomía excepcional e un prezo moi competitivo.
Priemiras especificacións filtradas: potencia e autonomía sen concesións
O Honor GT Pro chegará equipado co procesador Snapdragon 8 Elite, o último chip de Qualcomm que garante un rendemento de alta gama. A súa pantalla será plana de 6,78 polgadas con resolución 1.5K, ofrecendo unha experiencia visual de gran calidade.
A nivel fotográfico, o GT Pro contará cunha cámara principal de 50 MP, mantendo así o estándar dos smartphones premium da marca. Pero o que máis sorprende é a súa enorme batería, que terá unha capacidade de entre 6.000 e 7.000 mAh, permitindo unha autonomía moi superior á media. Ademais, incluirá carga rápida de 100W, polo que será posíbel cargar a batería en cuestión de minutos.
Outro dos detalles mencionados na filtración é que Honor está a probar un sensor de pegadas dixitais ultrasónico, aínda que non está claro se finalmente se incluirá na versión final do dispositivo.
Lanzamento esperado para mediados de 2025
Se os rumores son certos, o Honor GT Pro será anunciado en xuño de 2025, polo que aínda queda tempo para coñecer máis detalles e posibles novidades antes do seu lanzamento oficial.
Con todo, a gran sorpresa parece que chegará co prezo, xa que a información filtrada apunta a que o Honor GT Pro podería ser o smartphone máis barato do mercado con Snapdragon 8 Elite. O único rival directo que podería competir neste apartado sería o Realme GT 7 Pro, o que reforza a estratexia de Honor de ofrecer altas prestacións a un prezo axustado.
