Pouco a pouco O2 foi introducindo o servizo de televisión na súa oferta combinada de fibra e móbil. Se inicialmente fíxoo introducindo Movistar Plus+ unicamente como plan máis premium, vencellado á súa fibra de 1 Gbps, hai unhas semanas sorprendeu cunha segunda tarifa que permite desfrutar da televisión de Movistar a un prezo máis económico: fibra 600 Mbps + móbil con 35 GB e Movistar Plus+ por 38 euros ao mes.
Atendendo ás esixencias dun sector tan cambiante como o telco, a segunda marca de Telefónica decidiu continuar coa actualización da súa oferta e comezar o mes de abril cunha nova proposta máis completa que inclúe tamén o servizo de Netflix.
A nova tarifa inclúe, por 45 euros ao mes:
- Fibra de 600 Mbps con teléfono fixo con chamadas ilimitadas a fixos e móbiles.
- Móbil con 60 GB e chamadas ilimitadas.
- Movistar Plus+
- Netflix Estándar con anuncios.
Como é habitual na oferta desta operadora, non existen permanencias asociadas a este contrato, polo que poderemos estar vencellados á compañía unicamente o tempo que queiramos.
Con esta nova alternativa, O2 responde ás demandas das usuarias que queren ter todos os servizos vencellados ao consumo dixital nunha única factura, cun prezo claro e fixo que pagar mes a mes, o que permite facer un control máis exhaustivo do que pagamos mes a mes en subscricións.
Cómpre lembrar ademais que O2 é das poucas operadoras que están a ofrecer servizos de conectividade avanzada, como 5G+, multiSIM ou eSIM.
