A espera para coñecer os novos Vivo S30 e S30 Pro Mini está a piques de rematar. Os dous dispositivos xa aparecen listados en Geekbench, desvelando algunhas das súas principais características antes do lanzamento oficial, previsto para o 29 de maio na China.
Procesadores Snapdragon 7 Gen 4 e Dimensity 9400e
Os Vivo S30 e S30 Pro Mini presentarán dous procesadores diferentes, segundo os listados de Geekbench. O modelo V2464A, correspondente ao Vivo S30, contará co Snapdragon 7 Gen 4 acompañado da GPU Adreno 722, mentres que o V2465A, o S30 Pro Mini, integrará o Dimensity 9400e de MediaTek.
Ambos dispositivos estarán equipados con 16 GB de RAM e executarán Android 15, garantindo un rendemento fluído e a compatibilidade cos últimos avances en software.
Os resultados amosan en Geekbench amosan cifras interesantes: o Vivo S30, con 1251 puntos en rendemento de núcleo único e 3635 en multicore; e o Vivo S30 Pro Mini, 2299 puntos en núcleo único e 7348 en multicore. Estes datos sitúan ao S30 Pro Mini por diante en termos de potencia bruta, o que suxire que MediaTek podería estar a mellorar significativamente o rendemento dos seus chips.
Pantalla OLED, batería potente e cámaras avanzadas
Ambos modelos incluirán pantallas OLED con resolución 1.5K e taxa de refresco de 120 Hz, pero con diferentes tamaños: 6,55 polgadas para o S30 e 6,31 polgadas para o S30 Pro Mini. A batería tamén promete ser un punto forte, cunha capacidade de 6500 mAh e carga rápida de 90 W, asegurando longas horas de uso e unha recarga rápida e eficiente.
En canto ao apartado fotográfico, espérase que ambos dispositivos conten cunha configuración de triple cámara traseira, composta por un sensor principal de 50 MP (Sony IMX882), un ultra gran angular de 8 MP e unha lente periscópica de 50 MP, ideal para capturas detalladas e con zoom óptico.
Lanzamento global e estratexia de rebranding
Segundo os rumores, o Vivo S30 Pro Mini podería ser rebautizado como Vivo S30 Pro Mini a nivel global a partir de xullo. Pola súa banda, o Vivo S30 podería chegar como Vivo V60 uns meses máis tarde.
Para máis información sobre os novos Vivo S30 e S30 Pro Mini, estaremos atentas ao evento de presentación o próximo 29 de maio.
