A crecente inestabilidade global está a poñer a proba os sistemas de seguridade pública. En resposta, Nokia presenta solucións avanzadas baseadas en tecnoloxía 5G, deseñadas para mellorar a coordinación en tempo real e axilizar a toma de decisións en situacións de emerxencia.
Neste contexto, moitos organismos de seguridade seguen a operar con sistemas antigos, deseñados só para comunicacións básicas. Un exemplo evidente é o Reino Unido, onde máis do 25 % da infraestrutura dixital gubernamental está obsoleta, xerando custos anuais de 2.691 millóns de euros en mantemento.
Para estes casos, Nokia propón unha infraestrutura 5G que proporciona menor latencia (reducindo o tempo de resposta), comunicacións seguras e en tempo real (tanto para profesionais como para cidadáns) e capacidades preditivas mediante IA, permitindo actuar antes de que a situación se complique.
Vídeo en tempo real e análise preditiva
A infraestrutura 5G de Nokia integra sistemas avanzados de transmisión de vídeo en alta definición con baixa latencia, permitindo que os centros de mando accedan en tempo real a imaxes en directo do lugar da emerxencia. Esta visión global facilita unha toma de decisións estratéxica e informada.
Ademais, Nokia incorpora análise predictiva mediante IA, que non só identifica ameazas potenciais, senón que tamén proporciona recomendacións para minimizar riscos.
Interoperabilidade e IoT
A coordinación entre diferentes corpos de seguridade é fundamental para unha resposta eficaz, pero as plataformas herdadas adoitan ser incompatíbeis entre si. Nokia soluciona este problema mediante protocolos estandarizados baseados no 5G, que permiten push-to-talk e push-to-video, garantindo comunicación instantánea; seguimento en tempo real da ubicación, mellorando a asignación de recursos; e interconexión entre organismos, independentemente do sistema utilizado.
Ademais, a tecnoloxía 5G de Nokia permite a integración dunha ampla gama de dispositivos IoT, proporcionando información en tempo real e mellorando a eficacia operativa. Entre os dispositivos clave destacan os sensores ambientais -que permiten detectar gases tóxicos ou substancias perigosas- ou os dispositivos biométricos para a monitorización das constantes vitais dos profesionais no terreo.
Estes dispositivos están conectados a través de redes 5G, garantindo un fluxo de datos seguro e instantáneo.
Ferramentas autónomas: un novo enfoque na resposta ás emerxencias
A infraestrutura 5G de Nokia tamén habilita o uso de drones e robots autónomos, ideais para actuar en entornos hostís ou perigosos sen poñer en risco vidas humanas. Estes sistemas, conectados á rede 5G, permiten unha avaliación precisa e rápida da situación, ofrecendo información valiosa aos equipos de mando.
Durante grandes catástrofes, as redes comerciais a miúdo colapsan, como aconteceu durante o terremoto de Virxinia en 2011 ou os atentados do 11-S. A tecnoloxía 5G de Nokia utiliza multidifusión e difusión selectiva, asegurando que a información crítica chegue a todos os axentes involucrados de forma simultánea e sen interrupcións.
A implementación de solucións 5G como as de Nokia non só marca unha evolución tecnolóxica, senón tamén unha estratexia esencial para garantir a seguridade pública nun mundo cada vez máis inestable. A capacidade de integrar vídeo en tempo real, IA preditiva, IoT e ferramentas autónomas sitúa á infraestrutura de Nokia como un referente para os organismos de emerxencia.
Investir hoxe en infraestruturas 5G avanzadas é asegurar unha resposta máis áxil, proactiva e eficaz fronte ás emerxencias do futuro.
