Instagram leva algún tempo recollendo as mellores características de outras aplicacións para seducir ás usuarias e, tras o éxito das súas Instagram Stories, apúntase ao vídeo en directo con Instagram Live. Súmase así a aplicacións como Periscope ou o propio Facebook con Live vídeo en ofrecer unha das funcionalidades máis demandadas.
Instagram Live engádese como unha funcionalidade extra das Stories de Instagram, aínda que semella que os videos emitidos mediante esta fórmula non se gardan, senón que unicamente ponde verse durante o momento de emisión en vídeo.
A idea detrás de Live é semellante á das Stories, fomentar que compartamos cousas da nosa vida diaria sen a relevancia para que nos interese que queden gardadas para a eternidade.
Mensaxes que se autodestrúen
Xunto ás novidades do directo, Instagram tamén nos ofrece agora a posibilidade de enviar fotografías e comentarios que se autodestrúen ao cabo dun tempo, unha fórmula ideal para compartir esas cousas que tampouco teñen moita relevancia pasado un tempo.
Dispoñibilidade
Estas novas opcións que engade Instagram chegan cunha nova actualización da aplicación oficial, que se non temos instalada podemos descargar desde a Play Store.
Máis info | Instagram
