Hoxe en día, as aplicaciónes deben ser multiusos pois a técnica xa o permite. Desde esta premisa, unha app de mensaxería ten que enviar “mensaxes” sen importar o formato.
Por iso, e por fin, Whatsapp semella que está probando o envío de documentos empregando a propia app, grazas ao que vemos na plataforma de traducción de Whatsapp.
Agora ben, por outra banda, tamén apareceron rumores sobre que esta funcionalidade parte dunha integración con Google Drive e será a través dela, por onde se farán os intercambios de documentos.
Sexa como fose, o importante é que Whatsapp facilite o envío deste tipo de documentación dun xeito tan doado como é intercambiar fotos, tendo en conta que aplicacións rivais coma Telegram é moito máis versátil á hora de compartir arquivos.
