Dell acaba de renovar unha das familias de dispositivos máis destacadas do seu portfolio. Estamos a falar dos Dell XPS, que se actualizan para dar cabida aos novos procesadores Intel da familia Meteor Lake, e ao tempo para acoller un novo modelo de 16,3 polgadas.
Compartiva dos Dell XPS 13, XPS 14 e XPS 16
A continuación pódense ver as principais características dos tres novos modelos da saga Dell XPS
| DELL XPS 13 (9340) | DELL XPS 14 (9440) | DELL XPS 16 (9640) | |
|---|---|---|---|
| Pantalla | 13,4″ FHD+ (1.920 x 1.200) Infinity Edge non táctil 500 nits 120 Hz 13,4″ QHD+ (2.560 x 1.600) Infinity Edge táctil 500 nits 120 Hz 13,4″ 3K+ (2.880 x 1.800) OLED, Infinity Edge táctil, 400 nits 60 Hz | 14,5″ FHD (1.920 x 1.200) Infinity Edge non táctil 500 nits 120 Hz 14,5″ 3,2K (3.200 x 2.000) OLED Infinity Edge táctil 400 nits 60 Hz | 16,3″ FHD+ (1.920 x 1.200) Infinity Edge non táctil 500 nits 120 Hz 16,3″ 4K+ (3.840 x 2.400) Infinity Edge táctil 400 nits 60 Hz |
| Procesador | Intel Core Ultra 5 125H Intel Core Ultra 7 155H Intel Core Ultra 7 165H | Intel Core Ultra 7 155H Intel Core Ultra 7 165H | Intel Core Ultra 7 155H Intel Core Ultra 7 165H Intel Core Ultra 9 185H |
| Gráfica | Intel Arc Graphics | Intel Arc Graphics GeForce RTX 4050 6 GB | Intel Arc Graphics GeForce RTX 4050 6 GB GeForce RTX 4060 8 GB GeForce RTX 4070 8 GB |
| RAM | 8 / 16 / 32 / 64 GB | 16 / 32 / 64 GB | 16 / 32 / 64 GB |
| Almacenaxe interna | 512 GB / 1 TB / 2 TB / 4 TB SSD | 512 GB / 1 TB / 2 TB / 4 TB SSD | 512 GB / 1 TB / 2 TB / 4 TB SSD |
| Audio e son | 4 altofalantes, 8 W Micrófono dual Dolby Atmos | 4 altofalantes, 8 W Micrófono dual Dolby Atmos | 4 altofalantes, 10 W Micrófono dual Dolby Atmos |
| Portos | 2 x USB-C Thunderbolt 4 | 3 x USB-C Thunderbolt 4 Lector microSD Toma auriculares | 3 x USB-C Thunderbolt 4 Lector microSD Toma auriculares |
| Conectividade | Wi-Fi 7 Bluetooth 5.4 | Wi-Fi 6E Bluetooth 5.3 | Wi-Fi 7 Bluetooth 5.4 |
| Sistema operativo | Windows 11 Home/Pro | Windows 11 Home/Pro | Windows 11 Home/Pro |
| Batería | 55 Whr ExpressCharge 1.0 Adaptador 60 W | 69,5 Whr ExpressCharge 1.0 Adaptador 60 W (Intel Arc) Adaptador 100 W (NVIDIA) | 99,5 Whr ExpressCharge 1.0 Adaptador 130 W |
| Dimensións e peso | 295,3 x 199 x 15,3 mm 1,19 kg | 320 x 216 x 18 mm 1,74 kg | 358,1 x 240 x 18,7 mm 2,20 kg |
| Outros | Webcam FHD Windows Hello | Webcam FHD Windows Hello | Webcam FHD Windows Hello |
| Prezo | Desde 1.299 dólares | Desde 1.699 dólares | Desde 1.899 dólares |
Como avanzamos ao comezo do artigo, unha das cousas que destaca é a incorporación do Dell XPS 16 (9640), que chega ás 16,3 polgadas, un tamaño bastante significativo, e que se convertirá nunha opción moi interesante para persoas que vaian traballar co portátil durante longas horas sen unha pantalla externa que supla esas necesidades.
No interior temos os novos procesadores Intel Core Ultra da familia Meteor Lake, xunto con gráficas RTX 4000 de NVIDIA, que melloran a experiencia especialmente para o público que usa o seu portátil para xogar. Non é que esteamos a falar dun dispositivo gaming para usuarias intensivas, pero si que se aproxima a ese mundo, sendo unha opción interesante para usuarias máis ocasionais.
As combinacións de RAM e memoria son diversas, chegando até os 64 GB de RAM e 4 TB de memoria SSD nos modelos máis ambiciosos. En canto ás pantallas, temos diferentes combinacións, tanto pola súa capacidade táctil ou non, como pola súa definición.
No teclado Dell volveu apostar por teclas grandes, eliminando os espazos entre elas para conseguir que premelas sexa máis cómodo. Ademais, estrean a nova tecla Copilot, que abre a porta a un mundo de posibilidades grazas á Intelixencia Artificial (IA) coas funcionalidades de Microsoft, e inclúe unha serie de funcións a través dunha serie de teclas capacitivas situadas na parte superior.
Dispoñibilidade e prezo
Dell non confirmou a data de lanzamento destes modelos a nivel global, aínda que si que avanzou os prezos de partida dos tres dispositivos para os Estados Unidos na súa configuración máis básica.
Así, o Dell XPS 14 partirá dos 1299 dólares; o Dell XPS 14 de 1699 dólares e o Dell XPS 16 de 1899 dólares.
